ಮೂಗು ತೂರಿಸೋ... ನೀತಿ ..

ಪಾರ್ಕ್ ಬೆಂಚಿನಲ್ಲಿ ಕುಳಿತು
ತನ್ನದೇ ಗುಂಗಿನಲ್ಲಿ ಮರಿತ್ಯಾಂಪ ಚಾಕಲೇಟ್ ಮುಕ್ಕುತ್ತಿದ್ದ.

ಒಂದಾಯ್ತು ಎರಡಾಯ್ತು ಮೂರಾಯ್ತು ನಾಲ್ಕಾಯ್ತು..
ಅವನಲ್ಲಿದ್ದ ಚಾಕಲೇಟ್ ಗಳ ಸಂಖ್ಯೆ ಕಮ್ಮಿಯಾಯ್ತೇ ವಿನಃ
ಅವನ ಬಾಯ್ ಚಪಲ ಕಮ್ಮಿಯಾಗಲೇ ಇಲ್ಲ
ಪಾರ್ಕನ ಅದೇ ಬೆಂಚನ ಪಕ್ಕದಲ್ಲಿ ಕುಳಿತಿರೋ ವೃದ್ಧರೊಬ್ಬರು
ಅವನನ್ನು ಕೇಳಿದರು...
"ಹೀಗೆ ಚಾಕಲೇಟ್ ತಿನ್ನುತ್ತಾ ಇದ್ದರೆ ನಿನ್ನ ಹಲ್ಲುಗಳ ಕಥೆ ಏನಾಗುತ್ತೆ ಗೊತ್ತಾ..?"

"ನನ್ನ ಮುತ್ತಜ್ಜ ನೂರಾ ಇಪ್ಪತ್ತು ವರ್ಷ ಬದುಕಿದ್ದರು ಗೊತ್ತಾ..?"

"ಯಾಕೆ ಅವರೂ ಚಾಕಲೇಟ್ ತಿಂತಾ ಇದ್ದರಾ..?"
ಮುದುಕರಿಗೆ ಆಶ್ಚರ್ಯ..??
"ಅಲ್ಲ ಅವರಿಗೆ ಇನ್ನೊಬ್ಬರ ವಿಷಯದಲ್ಲಿ ಮೂಗು ತೂರಿಸೋ ಅಭ್ಯಾಸ ಇದ್ದಿರಲಿಲ್ಲ.."..

ಮರಿತ್ಯಾಂಪ ಯಾವಾಗಲೂ ಎರಡು ತಲೆಮಾರು ಮುಂದಿರ್ತಾನೆ.......